Vetëm tre ditë para ndeshjes se radhës për kualifikueset e kampionatit europian të vitit 2012 mes Francës dhe Shqipërisë, të dyja ekipet kombëtare paraqiten në këtë takim me shumë probleme me dëmtimet. Në një kohë që kuqezinjtë i kanë të zbardhur emrat e lojtarëve që nuk do të kenë të gatshëm për këtë 90 minutësh duke nisur nga Curri, Bogdani, Agolli, Teli apo Skela, e njëjta gjë po ndodh edhe me Francën se cilës gjithashtu do t’i mungojnë disa lojtarë mjaft të rëndësishëm.
I fundit është Frenk Riberi i cili pas një dëmtimi të pësuar në ndeshjen e fundit të kampionatit gjerman mes Hofenham dhe Bayern Mynih është paraqitur në grumbullimin e skuadrës franceze ku mjekët e kombëtares së gjelave kanë vërtetuar se ky dëmtim nuk e lejon Riberin të jetë gati për ndeshjen me Shqipërinë. Mungesa e Riberi është një goditje jo e vogël për planet e Loren Blanc, pasi lojtari i Bayern-it po kalonte një formë të shkëlqyer. Një tjetër lajm i keq të hënën në mbrëmje për Francën ishte edhe dëmtimi i mesfushorit të PSG Matuidi edhe ky i pamundur për t’u rikuperuar për ndeshjen e ditës së premte. Nëse shtojmë këtu edhe mungesat e bëra të ditura ditë më parë të mbrojtësve Sanja e Abidal si dhe sulmuesit Benzema, vlen të thuhet se trajneri Blanc pavarësisht një kundërshtari shumë më modest siç është Shqipëria ka filluar të shqetësohet shumë për 90 minutëshin kundër kuqezinjve që do të luhet në “Stade de France.
0 σχόλια:
Δημοσίευση σχολίου