Ylli i Përfaqësueses së Suedisë, Zlatan Ibrahimoviq, ishte i bindur se mesfushori ofensiv kosovar, Emir Bajrami, do të shënonte gol në sfidën kundër Finlandës. Kur Bajrami bëri këtë, Ibra festoi sikur të kishte shënuar vetë.Suedia e udhëhequr nga tandemi Ibrahimoviq-Bajrami triumfoi të martën mbrëma në shtëpi përballë Finlandës së Përparim Hetemajt me rezultatin 5:0, ndeshje kjo e vlefshme për eliminatoret për Evropianin 2012. Bajrami shënoi golin e fundit të ndeshjes, ndërsa Ibrahimoviq realizoi tre gola në këtë sfidë.
“Unë i thashë Emirit para ndeshjes se ai do të shënojë gol. Isha i sigurt për këtë. Kur ai e gjeti rrugën e golit, isha gati më i lumtur se kur shënova golat e mi”, ka thënë boshnjaku Ibrahimoviq, shkruan gazeta suedeze “Expressen” të mërkurën.
Ibrahimoviq asistoi në golin e shënuar nga Bajrami. Për Bajramin 23-vjeçar, ky ishte goli i dytë për Suedinë në nëntë ndeshje, sa ka zhvilluar, ndërsa i pari në eliminatoret për Evropianin 2012.
“Ishte ëmbëlsirë e vërtetë. Zlatani pranoi një top dhe unë bëra një vrapim drejt zonës ku u shërbeva në mënyrë perfekte. Po ashtu pranimi i topit ishte fenomenal dhe realizova me këmbën time të djathtë. Më perfekt se kaq nuk shkon”, ka thënë Bajrami. “Deri më tash bashkëpunimin me Zlatanin ka qenë fenomenal. Ndjehem mjaft mirë kur luaj përkrah tij. Fitorja kundër Finlandës ishte më e thellë se që pritëm, mirëpo dominuam tërësisht”.
Suedia pas gjashtë ndeshjeve mban pozitën e dytë në Grupin E me 15 pikë nga gjashtë ndeshje. Grupin e kryeson Holanda me 18 pikë.
0 σχόλια:
Δημοσίευση σχολίου